WiFi နှေးနေလား? Router ရွေးတဲ့အခါစစ်ရမယ့် အချက်များ

Internet speed ကောင်းပေမယ့် WiFi နှေးတာ Router ကြောင့်ဖြစ်နိုင်ပါတယ်

တစ်ခါတစ်လေ ISP speed မဟုတ်ဘဲ router မကိုက်တာ၊ တပ်ထားတဲ့နေရာမမှန်တာ၊ device များလွန်းတာကြောင့် WiFi နှေးတတ်ပါတယ်။ Router ဝယ်ခါနီး အောက်ကအချက်တွေကိုစစ်ပါ။

Single band နဲ့ Dual band ကွာခြားချက်

2.4GHz ကအကွာအဝေးပိုရောက်ပေမယ့် speed နည်းနိုင်ပါတယ်။ 5GHz က speed ပိုကောင်းပေမယ့် နံရံများရင်အကွာအဝေးလျော့နိုင်ပါတယ်။ ဖုန်း/လက်ပ်တော့များတဲ့အိမ်၊ ရုံးငယ်တွေမှာ dual-band router ကိုပိုအကြံပြုပါတယ်။

အိမ်အကျယ်နဲ့နံရံအရေအတွက်ကိုတွက်ပါ

တစ်ထပ်အိမ်ငယ်ဆို router တစ်လုံးလုံလောက်နိုင်ပေမယ့် နှစ်ထပ်အိမ်၊ အခန်းများ၊ concrete wall များရင် mesh WiFi သို့မဟုတ် access point ထပ်လိုနိုင်ပါတယ်။

Device ဘယ်နှခုချိတ်မလဲ

ဖုန်း ၅ လုံး၊ laptop ၂ လုံး၊ CCTV, smart TV, printer စသည်ဖြင့် device များရင် router performance ပိုလိုပါတယ်။ Cheap router တစ်လုံးတည်းနဲ့ device များလွန်းရင် lag ဖြစ်နိုင်ပါတယ်။

Router placement

Router ကို မြင့်တဲ့နေရာ၊ အလယ်ပိုင်း၊ အဖုံးမပိတ်တဲ့နေရာမှာထားပါ။ သံပုံး၊ TV နောက်၊ concrete corner, microwave အနီးတွေကိုရှောင်ပါ။

WiFi ကောင်းချင်ရင် router model ရွေးတာနဲ့ placement နှစ်ခုလုံးမှန်ရပါမယ်။

AlinnThit မှာ home WiFi, office network, CCTV network setup အတွက် router/accessories ကိုလိုအပ်ချက်အလိုက်ရွေးပေးနိုင်ပါတယ်။